I kjølvatnet

Du finst i mine hektiske sommarsteg på heimvegen i jonsoknatta

Du finst i blyge bjørkeblad hengjande utover elva

Du finst i mine patetiske, spontane forsøk på å rope noko til verda

Du finst i latteren i kjølvatnet

Du finst der alle kveldar endar

Du finst bak alle tankar

Før skapargleda

Din ande gjev meg stille

Nå regnet ruskar i trea

Ditt andlet vått i stormen

Duftande i brisen

Og dine henders tale

Så lokkande i disen

Du finst i lyngens soltørre skjær når sola dalar mot jorda

Du finst i glitrande sommardropar der fossen stuper mot botnen

Du finst i mine fomlete forsøk på å nærme meg ei kjelde

Du finst i latteren i kjølvatnet

Du finst der alle kveldar endar